తిరుమలలో శ్రీ వేంకటేశ్వరస్వామికి జరిగే నిత్య కైంకర్యాలన్ని ఆగమ శాస్త్ర అనుసారం జరుగుతాయి. తిరుమల గ‌ర్భాల‌యం ఆనంద నిలయంలో స్వయంవ్యక్తమైన మూలవిరాట్టుతో పాటు మరో నాలుగు శ్రీనివాస మూర్తుల విగ్రహాలు కొలువై ఉంటారు. శ్రీ వారి విగ్రహంతో పాటు ఈ నలుగురు మూర్తులు పంచబేరాలు అంటారు. బేర అంటే విగ్రహం. వీరికి మూలవిరాట్టుతో పాటు నిత్యం ప్రత్యేక పూజలు, నివేదనలు సాగుతున్నాయి. ఈ పంచబేరాలు విష్ణువు యొక్క మహారూపాలైన విష్ణువు, మహావిష్ణు, సదావిష్ణు వ్యాపి నారాయణులకు సంకేతంగా పండితులు భావిస్తారు. ధృవబేర: తిరుమల కొండపై శ్రీవారి యొక్క దివ్వ సాలిగ్రామ బింబం. ఇది స్వయంభుగా వెలిసినది. ఈ మూల‌విరాట్టుని ధృవబేర అని అంటారు. ఈ విగ్రహం తిరుమల కొండపై స్వయంగా వెలిసినట్లుగా చెపుతారు. అత్యంత శక్తి వంతమైన ఈ విగ్రహానికి నిత్యం పూజలు జరుపుతూ వారానికి ఒక్కసారి అర్చకులు ఆగమపండితులు అతి పవిత్రంగా అభిషేకాలను నిర్వహిస్తారు. ఈ స్వయంభుగా విగ్రహాన్ని కదల్చడానికి వీలు ఉండదు. అందువలన ఉత్సవాల సందర్భములలో ఊరేగింపులకు వేరే విగ్రహాలను ఉపయోగిస్తారు. కౌతుకబేర: శ్రీవారి గర్భాలయంలో మూలవిరాట్టు పాదాల వద్ద ఉండే వెండి విగ్రహాన్ని కౌత
తెలుగు వారి సంస్కృతి, సంప్రదాయాలు మరియు తెలుగు వారి విశిష్టతలు